قرار صاډم ج1.. حكايات منــال عـلـي موقع أيام تريندز الجزء الاول أول ما أمي دخلت عليا وهي مبتسمة، عرفت إن فيه خبر حلو. قالت وهي فرحتها باينة في صوتها بنت أختك الكبيرة جالها عريس… وإن شاء الله الخطوبة الأسبوع الجاي. والله أول ما سمعت الخبر حسيت إن قلبي اتفتح. حكايات منال علي دي بنت أختي الكبيرة… أول واحدة من الجيل الجديد تفرح، وأول مناسبة كبيرة عندنا من سنين. ابتسمت وقلت ربنا يتمملها على خير. أول حاجة عملتها إني دخلت أوضة النوم لقيت مراتي قاعدة بترتب هدوم العيال. قلت لها وأنا مبتسم اسمعي… بنت أختي الكبيرة خطوبتها الأسبوع الجاي. رفعت وشها بسرعة، وابتسمت ابتسامة فرحتني قبل ما تفرحني بالكلام. قالت بجد؟ ألف مبروك… ربنا يتمملها بخير. كنت مستني منها كلمة وخلاص. لكن اللي حصل بعدها خلاني أحس إني كسبت الدنيا كلها. قالت وهي قامت من مكانها بص… إحنا لازم نقف جنب أختك. قولت أكيد.. متوفره على روايات واقتباسات قالت ننزل نجيب لها هدية حلوة… ونروح قبل الخطوبة بكام يوم نبارك لها… ولو ناقصها أي حاجة نكملها لها. كنت ساكت. بتكمل كلامها من غير ما أفكر أنا حتى. قالت دي بنت أختك… وإنت خالها… وأخو أمها الوحيد… لازم تكون سند ليهم. والله حسيت وقتها إن ربنا رزقني بزوجة قلبها نضيف. ولا مرة قالتلي هات لأهلك ليه؟ ولا مرة قالت إحنا أولى. بالعكس… كانت دايمًا تقول أمك وإخواتك قبلنا. دخلت أوضتها وبعد شوية خرجت وهي ماسكة كيس. قالت أنا كان معايا شوية فلوس كنت شايلهم. فتحت الكيس. كان فيه لحاف شيك جدًا وبطانية تقيلة. قالت اشتريتهم لبنت أختك. أنا اتفاجئت. قولت إنتي نزلتي اشتريتيهم؟ قالت وهي بتضحك آه… وفرحت وأنا بجيبهم. وبعدين مدت إيدها بألف جنيه. قالت حكايات منال علي دول فاضلين معايا… خدهم… ولو معاك حاجة زود عليهم واديهم لأختك يبقى معاها قرشين تستفيد بيهم. بصيت لها وأنا مش عارف أقول إيه. قالت وكمان هات بالتين سكر وشيكارة رز… يمكن تحتاجهم لو هتعمل أكل للناس. والله في اللحظة دي حسيت إني أغنى واحد في الدنيا. مش عشان الفلوس… لكن عشان الست اللي معايا كانت بتعتبر أهلي أهلها. اتفقنا ننزل قبل الخطوبة بيومين. أنا وهي والعيال. نبارك لأختي. نشرب كوباية شاي. نديها الهدية. ونشوف لو ناقصها حاجة نكملها. وخلص الموضوع. بعد يومين… الموبايل رن. لقيت أختي. رديت وأنا مبتسم. قالت إزيك يا أخويا؟ قولت الحمد لله… عاملة إيه؟ قالت ماما قالتلك على الخطوبة؟ قولت آه. قالت حكايات منال علي يبقى تيجي من أول النهار… تتغدى معانا… ونطلع سوا القاعة. قلت تمام… هجيب مراتي والعيال ونقضي اليوم كله عندكم. وفجأة… سكتت ثانيتين. وبعدين قالت جملة وقفت الزمن. قالت لا… إنت لوحدك. افتكرتها بتهزر. ضحكت. قولت يعني إيه لوحدي؟ قالت القاعة صغيرة… وعدد الناس محدود. قلت طيب ماشي… بس مراتي وعيالي؟ قالت بهدوء غريب مش لازم ييجوا. فضلت ساكت. قلت يعني أنا أروح لوحدي؟ قالت آه. قلت بس أنا عارف إن إخواتي التانيين جايين برجالتهم وعيالهم. قالت بسرعة اسمع مني… أنا عايزة اليوم يعدي على خير. الجملة دي وقفت عندها. قلت يعني مراتي وعيالي هما اللي هيبوظوا اليوم؟ قالت بلاش كلام كتير. وقفلت. قعدت أبص للموبايل. مش مستوعب. هو أنا فهمت غلط؟ ولا هي قصدها حاجة تانية؟ فضلت طول اليوم بفكر. وفي الآخر قلت لازم أكلم أمي. رحت لها. حكيت لها كل اللي حصل. كنت مستني تقول أكيد حصل سوء تفاهم. لكن… حكايات منال علي لقيتها بتقول بمنتهى البساطة بصراحة… مراتك مش مهمة في اليوم ده. الكلمة نزلت عليا زي الطوبة. قلت إزاي يعني مش مهمة؟ قالت روح إنت… وهي تبارك بعدين. قلت بس إحنا أصلًا متفقين ننزل قبل الخطوبة… وهي اللي اشترت الهدية. أمي بصتلي وقالت بص من الآخر… أختك شايفة إن مراتك عينها وحشة… وخاېفة منها. اتجمدت مكاني. قلت بتقولي إيه؟ قالت أختك عايزة اليوم يعدي على خير. قلت يعني مراتي حسودة؟ قالت أنا مالي. .. ده اللي اتقال. حسيت ڼار طالعة في صدـ,,ـــري. الست اللي أول ما سمعت الخبر نزلت من فلوسها اشترت لحاف وبطانية. الست اللي ادتني آخر ألف جنيه معاها. الست اللي قالتلي هات لأختك سكر ورز. بقت فجأة… عينها وحشة؟ فضلت ساكت ثواني. وبعدين قلت لأمي بهدوء يعني إخواتي التانيين هييجوا هما وجوازهم وعيالهم… وأنا أروح لوحدي؟ قالت أيوه. ابتسمت ابتسامة كلها ۏجع. وقلت يبقى خلاص… وساعتها أخدت القرار… قرار عارف إنه هيقلب البيت كله فوق دماغنا… وقبل ما أنطق بيه… سمعت صوت باب الشقة بيتفتح، ومراتي دخلت وهي شايلة أكياس الهدية، وبتقول بابتسامة بريئة ها… أختك قالت هنعمل إيه؟ إمتى نروح نبارك لها؟ ساعتها بس… عرفت إن الجملة اللي هاقولها دلوقتي هتغيّر علاقتنا كلنا للأبد… يتبع..