“ركبنا العربية ورجعنا بيتنا، والكل كان عارف إن الخطوة الجاية هي القاضية، محاكمة الجنايات اللي هتحدد مصير,ه النهائي في الس,جن المشدد، والستار اللي هينزل على أبشع كابوس عشته في حياتي. مرت الأسابيع اللي سبقت الجلسة الفاصلة في محكمة الجنايات الاقتصادية وكأنها سنين، لكنها كانت سنين بتبني فيا شخص جديد تماماً. الضعف والخوف اللي حسيت بيهم وأنا بسمع صوت المية في الحمام زمان، اتبدلوا تماماً بقوة وهدوء مخيفين.
في الفترة دي، أهله مسبوش باب إلا وخبطوا عليه. وفود من كبارات عيلتهم، ناس من أصحاب والدي القدامى، وحتى إمام المسجد اللي في منطقتنا جابوه وجه يتوسط. قعدوا في صالون بيتنا، يعرضوا شيكات على بياض، تنازل كامل عن الشقة، وفلوس فوق المؤخر والقايمة أضعاف مضاعفة، وأبوه كان قاعد يبكي بدموع حارقة ويقول لأبويا:”يا حاج. . ابني غلط وأذنب ويستاهل ضرب النار، بس مستقبله هينتهي.. بدلة الس,جن الزرقا دي لو اتلبسها هيم,وت بالحيا، والم,هنة هتسحب ترخيصه ونقابة المهندسين هتشطبه، استروا عليه ربنا يستر ولاياكم.
“لكن رد أبويا كان ثابت ومفيش فيه مساومة، بصلهم وقال ببرود يقطع الشك:”اللي باع ستر بيته عشان رهان وفلوس رخيصة ميطلبش الستر لما يقع تحت سيف القانون. اللي بيننا مش فلوس ولا شيكات، اللي بيننا حق شرف وكرامة بنتي والمجتمع كله، والكلمة بقت للقضاء مش للمجالس.”خرجوا يجروا أذيال الخيبة، وبدأ العد التنازلي ليوم المحاكمة. يوم الجلسة، صحيت من الفجر، اتوضيت وصليت ركعتين شكر وراحة، ولبست هدوم هادية ومحترمة، ونزلت ومعايا والدي ومحمود والمحامي.
مجمع المحاكم كان زحمة، بس القاعة اللي فيها القضية كانت واخدة اهتمام غير عادي، صحفيين من مواقع الحوادث بدأوا يشموا خبر عن القضية اللي بتجمع بين انتهاك حرمة الحياة الخاصة والإتجار بالصور والابتزاز الإلكتروني داخل مسكن الزوجية. أول ما دخلنا القاعة، كانت أسر المتهمين التانيين موجودة كمان، وشوش مكسورة وعيون تايهة، وأمه كانت قاعدة في الزاوية، شكلها هدّه المرض والجلطة اللي خلت مشيتها تقيلة ولسانها بيتلعثم.
أول ما شافتني بصتلي بنظرة كلها كسر ورجا، بس عنيا مكنتش بتنزل ولا بتتهز.
اتفتح باب القفص الحديدي، ودخل الحرس المتهمين التلاتة. طارق كان لابس الأبيض الخاص بالحبس الاحتياطي، دقنه طويلة ومهملة، عيونه غائرة وسودة من قلة النوم في الحجز، ورجليه مكنتش شايلاه، متكلبش في إيد زمايله الاتنين اللي كانوا بيتفادوا حتى يبصوا في وشه، وكل واحد فيهم محمل التاني مسؤولية الخراب اللي هما فيه.
دخلت هيئة المحكمة، وهتف الحاجب بصوت جهوري: “محكمة!”الكل وقف، والقاعة سكتت تماماً لدرجة إن صوت تنفس المتهمين في القفص كان مسموع. رئيس الدائرة، مستشار وقور عيونه صارمة وملامحه مفيهاش أي تردد، فتح الملف وبدأ يقرأ أمر الإحالة من النيابة العامة. المرافعة بدأت، وممثل النيابة العامة ألقى مرافعة تاريخية خلت القشعريرة تمشي في ضهر كل اللي في القاعة. وقف ممثل النيابة وبص ناحية القفص وشاور بصابعه وقال بصوت جهوري هز الجدران:”سيدي الرئيس، عدالة المحكمة الموقرة.
. جئناكم اليوم لا لنقتص من جريمة سرقة أو أمانة عادية، بل لنقتص من للأرض والعرض والعهد المقدس. متهم خان أمانة مسكنه، واستحل ستر زوجته، وبدلاً من أن يكون الحصن والسند، تحول إلى تاجر رخيص يعرض شرف بيته في مزادات الشاتات المظلمة. المتهمون أمامكم لم يرتكبوا فعلاً طائشاً، بل خططوا، وساوموا، واستدرجوا، وعرضوا أقدس ما في هذا المجتمع للبيع والتسلية الرخيصة. النيابة العامة تطالب بتوقيع أقصى عقوبة نصت عليها المادة 25 و26 من قانون مكافحة جرائم تقنية المعلومات، والمادتين 309 مكرر و327 من قانون العقوبات، ليكونوا عبرة لمن تسول له نفسه العبث بالأعراض.
“محامي طارق حاول يدافع، حاول يقول إن المحادثات كانت مجرد ‘مزاح ثقيل’ لا يرقى لنية الفعل الجنائي، وإن الشاكية كانت تهدف للانت,قام الشخصي بعد خلافات أسرية. المحامي بتاعي وقف على طول وطلب الكلمة، ووجه للمحكمة الضربة القاضية:”سيدي الرئيس، أي مزاح هذا الذي ينتهي بتصوير زوجة غافلة على سرير نومها، وإرسالها بحساب شخصي مع تحديد مواعيد للتسليم؟ الأوراق المحروزة وتقارير الأمن العام ومباحث التوثيق والمعلومات لا تحتمل التأويل، والضرر هنا وقع واستقر، واعتراف المتهم في تحقيقات النيابة مدون وموثق بالصوت والصورة، نطالب بالقصاص العادل لحق المجني عليها وحق المجتمع.
“القاضي رفع عينه وبص لطارق اللي كان جوة القفص بيعيط ومنهار، وسأله:”هل لديك ما تقوله للمحكمة يا متهم؟”طارق مسك الحديد بإيديه اللي كانت بترتعش، وصوته طلع مبحوح ومكسور:”سامحوني يا فندم.. ندمان.. والله ندمان ومكنتش في وعيي، حياتي ضاعت ومستقبلي ادمر.. أبوس إيدك ارحمني يا سيادة القاضي!”القاضي بصله بنظرة واحدة باردة وحاسمة، وقفل الملف فجأة، وخبط بالشاكوش على المنصة وقال الكلمة اللي حبست الأنفاس:”رُفعت الجلسة للمداولة وإصدار الحكم.
“الكل خرج يستنى برة في الممر، وطارق رجعوه للتخشيبة مع زمايله وهو منهار دماغه في الحيطة. مرت ساعتين كاملين من الترقب والرعب اللي مالي قلوب أهله، وثبات هادي بيملى قلبي أنا وعيلتي، لحد ما اتفتح باب القاعة من تاني، ودخل الحاجب ينادي عشان النطق بالحكم الأخير والنهائي اللي هيقفل الصفحة دي للأبد. فتحت عساكر الحرس باب القاعة من تاني، ورجعت الصفوف تتملي في ثواني معدودة.
الهوا جوا القاعة كان تقيل ومكتوم، وكل العيون متعلقة بالمنصة وبالقفص اللي رجعوا دخلوا فيه المتهمين التلاتة. طارق مكنش قادر حتى يقف على حيله؛ كان ساند بكتفه على سيخ القفص، ركبه بتخبط في بعضها، وعينيه تايهة بتبص للأرض بخزي وخوف هستيري. أمه كانت قاعدة في أول صف برة، ماسكة سبحة وإيدها بتنتفض، وعينه كل شوية تروح لأبويا ولمحمود اللي كانوا واقفين وقفة جبال مابتتهزش. رن صوت الحاجب في أرجاء القاعة زي الرعد:”محكمة!
“الكل وقف في لحظة واحدة، ودخلت هيئة المحكمة بكامل هيبتها. رئيس الدائرة مسك الأوراق، بص في القاعة بنظرة صارمة خلت الهمس ينقطع تماماً، وقبل ما ينطق بالحكم، وجه كلمتين نزلوا على راس طارق وأهله زي الصواعق:”إن المحكمة وهي بصدد النطق بحكمها، تهيب بالمجتمع أن يرعى الأمانات التي اؤتمن عليها. . فالبيوت عورات، والزواج ميثاق غليظ جعله الله سكناً ومودة ورحمة، لا ساحة للخسة والغدر والمتاجرة بالأعراض. ومن خان ستر أهله وباع حرمة بيته، لا يستحق إلا أن يُجرد من كرامته وأن يذوق وبال ما صنعت يداه ليكون عبرة وآية.
“خبط القاضي بالشاكوش على المنصة ونطق بالحكم بصوت قاطع, هز جدران المحكمة:”حكمت المحكمة حضورياً وبإجماع الآراء:أولاً: بمعاقبة المتهم الأول ‘طارق’ بال,سجن المشدد لمدة خمس سنوات، وتغريمه مائتي ألف جنيه، ومصادرة كافة الأجهزة الإلكترونية والهواتف المضبوطة,، وإلزامه بالمصاريف الجنائية، عن ت,هم انت,اك حرمة الحياة الخاصة، وتصوير ونشر مواد خاد,شة للحياء دون رضاء المجني عليها، واستخدام وسائل تقنية المعلومات في المساس بالأعراض والشرف. ثانياً: بمعاقبة المتهمين الثاني والثالث ال,مشدد لمدة ثلاث سنوات لكل منهما، وتغريم كل منهما مائة ألف جنيه، عن تهم التحريض والاشتراك. ثالثاً: إحالة الدعوى المدنية للمحكمة المختصة للتعويض.
