بعد خمس سنين من طلا.قنا

أنا جعانة ولو انتي مكانها.. وطليقك جالك في فرح وقالك سايبك كان أذكى قرار.. وبعدها بنتك جت تجري وقالت ماما.. وباباها جه وشالها.. هتردي تقولي ايه؟ هتفرحي انك سيبتيه؟ ولا هتزعلي انك ضيعتي سنين معاه؟ فضلت طول الطريق ساكتة.. جوزي سايق.. والبنت نايمة ورا في الكرسي بتاعها.. وأنا ببص من الشباك.. بفتكر خمس سنين فاتت.. يوم ما طليقي سابني.. قالي.. انتي مملة.. انتي مبتعرفيش تتبسطي.. انتي شغلك واخدك.. انتي مش ست البيت اللي أنا عايزها.. أنا عايز واحدة خفيفة.. بتضحك.. بتلبس حلو.. بتخرج.. مش واحدة قاعدة طول الوقت على اللاب توب بتراجع ورق يومها.. كنت بعيط لحد ما عيني ورمت..

وكنت بقول.. هو صح.. أنا فعلا مملة.. أنا فعلا مش كفاية.. أنا فعلا عمري ما هتجوز تاني.. مين هيبص لواحدة مطلقة.. وبتشتغل طول اليوم.. ومبتعرفش حتى تعمل محشي عدل صاحبتي قالتلي.. قومي.. انزلي جيم.. غيري لون شعرك.. روحي لدكتور نفساني.. وأنا كنت بقولها.. لا.. أنا خلاص.. حياتي خلصت.. أنا عندي 30 سنة ومطلقة.. هعمل ايه تاني؟ بس الدنيا ممشيتش زي ما كنت فاكرة.. بعد الطلاق بشهر.. جالي ترقية في الشغل.. بقيت مديرة.. وبعدها بقيت باخد كورسات.. وبقيت بسافر.. وبقيت بعمل فلوس كويسة.. لوحدي.. من غير ما حد يقولي.. انتي مبتعرفيش.. انتي مش كفاية وفي يوم.. كنت في مؤتمر في اسكندرية..

وكان هو بيتكلم هناك.. جوزي الحالي.. كان بيتكلم عن المخاطر.. وأنا قاعدة في أول صف.. بسأله أسئلة.. وهو بيرد.. وبعد المؤتمر.. جالي وقالي.. انتي أشطر واحدة سألت النهاردة. . ممكن نتعشى ونتكلم شوية في الشغل؟ اتعشينا.. واتكلمنا شغل.. وبعدين اتكلمنا حياة.. وبعدين عرفت انه مطلق هو كمان.. وعنده ولد صغير.. بس طليقته واخداه ومسافرة.. فهو لوحده.. زيي.. لوحده وبيحاول يبدأ من جديد مقالليش انتي مملة.. مقالليش انتي مش كفاية.. قالي.. انتي ذكية أوي.. أنا أول مرة أشوف واحدة بتفهم في المخاطر زيك كده.. قالي.. ضحكتك حلوة لما بتتكلمي عن شغلك.. قالي.. أنا بحب الست اللي عندها حاجة بتحبها اتجوزنا بعد سنة..

جواز هادي.. مفيهوش فرح كبير.. ولا فستان أبيض منفوش.. كتبنا الكتاب في البيت.. وأنا لابسة فستان بسيط.. وهو لابس قميص أبيض.. وبنتي.. قصدي.. بنتنا.. جت بعدها بسنة.. وسميناها على اسم مامته.. اللي ماټت.. وهو قالي.. عايز بنت تبقى طيبة زي ماما.. وزيك ومن يومها.. وهو كل يوم يقولي.. شكرا.. شكرا انك وافقتي تتجوزيني.. شكرا انك جيتي حياتي.. شكرا انك بتعملي مكرونة حتى لو محروقة.. أنا بحبها محروقة عكس طليقي تماما.. اللي كان كل يوم يقولي.. شكرا انك لسه قاعدة.. كأنه عامل فيا جميلة انه متجوزني فاكرة مرة.. كنت عاملة مكرونة.. واتحرقت مني شوية.. طليقي قالي.. انتي حتى مبتعرفيش تطبخي..

قومي اطلبي دليفري.. نفس المكرونة المحروقة دي.. جوزي دلوقتي بيقول عليها.. دي أحلى مكرونة في الدنيا.. عشان انتي اللي عاملاها فهمت ان العيب مكنش في المكرونة.. العيب كان في اللي بياكل وصلنا البيت.. جوزي شال البنت.. طلعها فوق.. وأنا دخلت المطبخ أشرب ماية.. لقيت تليفوني بيرن.. رقم غريب.. رديت.. لقيته طليقي قال.. معلش.. أنا عارف انه مش من حقي أكلمك.. بس.. كنت عايز أقولك حاجة قلت.. قول قال.. أنا شفتك النهاردة.. وانتي مبسوطة.. ومعاكي بنت.. وجوزك.. شكله بيحبك.. وأنا.. أنا بصراحة.. اتضايقت قلت.. اتضايقت ليه؟ انت اللي قلت أحلى خمس سنين في حياتك قال.. كنت بكدب..

كنت بقول كده عشان أبان جامد.. بس الحقيقة.. الخمس سنين دول كانو أوحش خمس سنين.. أنا و.. احنا.. يعني.. مش مبسوطين.. پنتخانق طول الوقت.. وهي بتقولي انت سبت مراتك عشانها.. هتسيبني أنا كمان عشان واحدة تانية؟ وأنا بقيت خاېف.. خاېف أبقى لوحدي سكت شوية.. وبعدين قال.. ولما شفتك.. وشفت بنتك.. حسيت اني خسړت.. خسړت بيت.. كان ممكن يبقى عندي بنت زي دي.. بتجري تقول بابي أنا سكت.. مكنتش عارفة أقول ايه.. زمان كنت هستناه يقول الكلام ده.. كنت هعيط وأقوله ارجعلي.. بس دلوقتي.. وأنا واقفة في مطبخي.. وريحته مكرونة.. وصوت جوزي فوق بيغني للبنت عشان تنام.. حسيت اني مش عايزة أرجع..

ولا عايزة أسمع قلتله بهدوء.. بص.. أنا مش زعلانة منك.. ولا شايلة منك.. أنا فعلا مسامحاك.. عشان لو مكنتش سيبتني.. مكنتش هبقى هنا دلوقتي.. فشكرا.. انت كمان كان عندك حق.. سايبك كان أذكى قرار.. ليا أنا.. مش ليك وقفلت.. قفلت السكة.. وقفلت صفحة.. بقالها خمس سنين مفتوحة وبتوجعني دخلت الأوضة.. لقيت جوزي قاعد جنب البنت.. بيبص عليها وهي نايمة.. قاللي.. نامت قلت.. عرفت.. سمعتك بتغنيلها قال.. مين كان بيكلمك؟ قلت.. طليقي وشه اتغير شوية.. قال.. قالك ايه؟ قلت.. قالي انه ندمان جوزي سكت ثانية.. وبعدين قال.. وانتي؟ قلت.. قلتله شكرا ضحك.. قال.. شكرا؟ قلت.. أيوه.. شكرا انه سابني..

عشان لقيتك جوزي قام.. حضڼي.. وقال.. أنا اللي المفروض أشكره كل يوم.. كل يوم الصبح أول ما بصحى.. بشكره انه ساب أطيب واحدة في الدنيا.. عشان تيجي ليا أنا ونمنا. . نمنا احنا التلاتة في نفس الأوضة.. البنت في النص.. وأنا وجوزي على الطرفين.. وايدينا ماسكة بعض من فوقها.. كأننا عاملين سور حواليها.. سور حب.. محدش يقدر يدخله.. ولا طليق قديم.. ولا كلام سمج.. ولا خمس سنين ۏجع وتاني يوم الصبح.. البنت صحت.. وقالت.. ماما.. هو عمو بتاع امبارح هيجي تاني؟ قلت.. لا يا حبيبتي.. مش هيجي قالت.. ليه؟ قلت.. عشان احنا عندنا بابي.. وبابي هنا.. ومش محتاجين حد تاني قالت..

أيوه صح! بابي بيعمل مكرونة أحلى! وجوزي من المطبخ. . وهو بېحرق المكرونة كالعادة.. قال.. سمعت! حد بيجيب سيرة المكرونة بتاعتي؟ وضحكنا.. ضحكنا كلنا.. وأنا عرفت.. ان اللي فات ماټ.. وان الخمس سنين اللي هو قال عليهم أحلى خمس سنين.. كانو فعلا أحلى خمس سنين.. بس في حياتي أنا.. مش في حياته هو ولو انتي لسه واقفة مكانك.. بټعيطي على واحد سابك وقال انه كسب.. قومي.. بصي حواليكي.. هتلاقي بنت صغيرة هتجري عليكي وتقول ماما.. وراجل هيشيلها ويقول.. أهو لقيت حبايبي.. وساعتها هتعرفي.. ان اللي سابك.. هو اللي خسر.. مش انتي